पंचायत समिती गुहागर

श्री. व्याडेश्वर मंदीर : श्री व्यादेश्वर हे एक प्राचीन मंदिर आहे. तसेच भक्तांकरिता पूजनीय आहे. हे मंदिर भगवान महादेवांना समर्पित आहे. असे मानले जाते की, भगवान शिव व्यादेश्वर रूपामध्ये गुहागर मध्ये राहतात. हे 70 फूट लांब आणि 80 फूट उंच व्याडेश्वर मंदिर खडकाने बनलेले आहे. मंदिर पंचायतन शैली मध्ये बनलेले आहे. ज्याच्या चारही दिशांना चार सहायक मंदिर आहे. हे मुख्य मंदिर या चबुतऱ्याच्या मध्ये स्थित आहे. भगवान शंकरांच्या चारही बाजूंनी भगवान गणेश, देवी पार्वती, भगवान विष्णु और देवी लक्ष्मी आणि सूर्य आहे. मुख्य मंदिरासमोर नंदीची एक सुंदर मूर्ती स्थापित आहे. सर्व मुर्त्या संगमरमर पासून बनलेल्या आहे. व्याडेश्वर मंदिरला तीन प्रवेशव्दार आहे. पूर्व, पश्चिम आणि दक्षिण कोपरा.

गोपाळगड पुरातन किल्ला : ७ एकर क्षेत्रफळ असलेल्या ह्या किल्ल्याची बरीचशी तटबंदी अजून शाबूत आहे. अंजनवेल गावातून किल्ल्याजवळील पठारापर्यंत (सड्या पर्यंत) गाडीने जाता येते. ह्या रस्त्याने आपण किल्ल्याला वळसा घालून पश्चिमेकडच्या तटबंदीतील छोट्या प्रवेशद्वारापाशी पोहोचतो. किल्ल्याच्या जमिनीकडील बाजूला खोल खंदक खोदलेला आहे. किल्ल्याच्या तटाला १५ बुरुज आहेत. त्यावर तोफांसाठी जांभ्या दगडाचे गोलाकार भक्कम चौथरे बांधलेले आहेत. (तटावर इ.स १७०७ मध्ये फारसी भाषेत कोरलेला एक शिलालेख होता पण आता तो अत्सित्वात नाही). गडाच्या पूर्वेला एक दरवाजा आहे. गडाचा तट ७ मीटर उंचीचा व २५ मीटर रुंदीचा आहे. हा गड वरचा कोट, बालेकोट व पडकोट ह्यांचा मिळून बनलेला आहे. पडकोटाचा भाग म्हणजे समुद्रकिनार्‍यापर्यंत जाणारी ही दुहेरी तटबंदी, १६९९ मध्ये सिध्दी खैरतखानाने बांधली. तुळाजी आंग्रे ह्यांनी किल्ल्यालगतचा बालेकोट बांधला. परकोटाच्या टोकाला समुद्राकडील बाजूस कमानी आहेत. त्याच्या बाजूस चोर दरवाजा आहे आणि त्याच्या समोरच एक खराब पाण्याचं टाकं आहे. परकोटाला समुद्राच्या बाजूने शिरण्यासाठी दरवाजा आहे. यातून आत शिरल्यावर बालेकोटा पर्यंत तटाबुरूजांचे बांधकाम आज भग्नावस्थेत आहे. या परकोटामध्ये ही चोरदरवाजाच्या जवळ खराब पाण्याचं टाकं आहे. पश्चिमेकडील प्रवेशद्वारातून आत शिरल्यावर दोनही बाजूस पहारेकर्‍यांच्या देवड्या आहेत. ह्या व्यतिरीक्त किल्ल्यावर किल्लेदाराच्या वाड्याचे अवशेष, त्याजवळील बांधीव तलाब आणि छोटी-मोठी घरांची जोती असे अवशेष दिसतात. गडाच्या प्रवेशद्वारातून बाहेर पडल्यावर कातळात खोदलेली पायर्‍यांची विहीर आहे. या विहीरीचे पाणी पिण्यायोग्य आहे.

अष्टवणे गणेश मंदिर : अष्टवणे गणेश मंदिर हे महाराष्ट्रातील रत्नागिरी जिल्ह्यातील गुहागर शहरात, निसर्गरम्य आणि निसर्गरम्य ठिकाणी वसलेले आहे. पूर्वाभिमुख असलेल्या या गणेश मंदिराचा इतिहास जुना आहे. जरी पुराणांमध्ये अष्टवणे गणेश मंदिराचा उल्लेख नाही, तरी इतिहासात त्याची नोंद व्हावी अशी त्याची शान आहे.